Будзе Ноцни турнир у малим фодбалє
Автор Рутенпрес Стреда, 07 Юлий 2010 19:56
Традицийни Ноцни турнир у малим фодбалє, тераз з меном Керестурска лиґа у малим фодбалє, того року почнє на вовторок, 13. юлия.
Орґанизатор Керестурскей лиґи у малим фодбалє Рукометни и Фодбалски клуби СД “Русин”, а на пияток почнє приявйованє екипох. Приявйованє пионирских и сениорских екипох за тоту Лиґу у малим фодбалє тирва од 9. по 12. юлий.
Уплата за сениорску екипу виноши 4 000 динари, а за пионирску 2 000 динари.
У екипи, за обидва катеґориї, мож приявиц по 8 бавячох, будзе ше бавиц по системи 4 плус єден, а пионире буду подзелєни до двох ґрупох - на младших и старших, дзе ше у катеґориї "младших" буду змагац школяре пиятей класи и младши, а у "старших" пионирох - школяре од шестей по осму класу ОШ.
И за пионирох и за сениорох, наградни фонд за освоєне перше место на популарним Ноцним турниру виноши 50 одсто од уплатох, за друге 30, а треце место 20 одсто од уплатох.
