Упис до ОВС
Автор Администратор Штварток, 04 Maрец 2010 19:34
Спрам податкох з хторима вчера, 16. фебруара розполагал Национални совит Руснацох, вимоги-формулари за уписованє до Окремного виберанкового списку (ОВС), по тот датум виполнєли 5 904 Руснаци.
Од того числа, до општинских управох у местох дзе жию Руснаци, на обробок и уписованє бул придат 4 231 формулар-вимога Руснацох за уписованє до ОВС.
Спрам достатих податкох зоз општинских управох, по 16. фебруар були обробени, односно и уписани до ОВС 2 740 Руснаци, а на обробок чекали 1 149 формулари Руснацох.
У Руским Керестуре вимогу-формулар виполнєли 2 666 Руснаци, у Кули 240, у Коцуре 1 264, а у Вербаше 269 Руснаци пре уписованє до ОВС.
У Новим Садзе по вчера, вимогу за уписованє до ОВС виполнєли 234 Руснаци, у Дюрдьове 164; у Ґосподїнцох 97, а у Жаблю 274 Руснаци.
У Шидзе вимогу за уписоавнє до ОВС виполнєли 120 Руснаци; у Бачинцох 154, а у Бикичу 110 Руснаци.
У Суботици, вимогу-формулар за уписованє до ОВС виполнєли 89 Руснаци; у Новим Орахове 109, а у Бачкей Тополї 71.
Спрам податкох з хторима розполага Национални совит, по 16. фебруар у Сримскей Митровици вомогу за уписованє до ОВС виполнєли 17 Руснаци; у Беоґрадзе 9; у Зомборе 4; у Тителю 3, а по єдну вимогу виполнєли и Руснаци котри жию у општинох Оджак, Бачки Петровец, Бечей, Беочин, Савски Венац, Сримски Карловци, Сента, Сербобран, Темерин и Червинка.
Пре нєможлївосц доставаня точних податкох з општинских управох, дзепоєдни податки за тераз нє у складзе з податками з Националного совиту.
За здобуванє права на директни, нєпоштредни вибор будуцого Националного совиту, потребне же би ше до ОВС уписали 6 363 Руснаци, та Национални совит и на тот способ поволує шицких котри ше ище нє уписали, же би то зробели - чи у општинох дзе жию, месних канцеларийох, подручних канцеларийох Националного совиту, односно КУД по наших местох, лєбо при заступнїкох котри тото окончую.
