Клуб Реалного Аикидоа "Русин"

Автор Администратор Нєдзеля, 05 Септембер 2010 13:03

У Руским Керестуре отворени нови клуб - Клуб Реалного Аикидоа "Русин". Клуб почал з роботу гевтого року у септембру як оддзелєнє кулского клуба, док є званично реґистровани того року, як самостойни клуб.
Клуб перше почал роботу з младшима, од першей по осму класу, же би ше направела "база" з котру ше настви далєй робиц. У марцу, у Бачкей Тополї, успишно, покладали за жовти пояс. Того року, клуб отвера дзвери и за старших, упис почина од 07.09.2010., под час терминох за тренинґ, за возрости од 7 та по 77 роки. Тренер з кули, Дамир Уґлик, ма титулу майстра, ноши чарни пояс перши дзень.
Цо то Реални Аикидо? Реални Аикидо то модификация Аикидоа (традиционалного), хтори присподобени улїчней битки. Традиционални Аикидо баржей базовани на медитациї, "стилу живота", красоти рухох, Реални Аикидо,
базовани на ситуацийох з реалного живота. Реални Аикидо пребера рушаня и технїку виводзеня залапох з Традиционалного Аикида и комбинує их з даякима технїками и залапами з Джудоа, Бразилскей Джиу-Джици, и на тот способ доставаме успишну "вештину" самоодбрани. Понеже як и Традиционални Аикидо, нє вимага вельку моц (силу), алє хаснує моц и силу процивнїка, тота технїка барз вигодна за дзивки же би ше цо скорей и цо швидше ше одбранєли од нападача(ох).
За упознаванє з Реалним Аикидоом нащивце сайт www.wcra.rs, або гибайце на тренинґ, дзе сце годни видзиц як то випатра. Тренира ше у школскей сали, а термини тренинґох: Bовторок 20:00, штварток 19:15, собота 17:30. Чекаме вас.
 

Русин ше ма зоз чим цешиц

Автор Иван Рац Стреда, 25 Aвґуст 2010 23:45

Днї рукомета

З нагоди означованя и постояня 50 роки рукометного клубу Русин, клуб ше мал прилику приказац а и здогаднуц длугей традициї рукомету.

На терену стара школа отримани днї рукомета дзе соботу 21. авґуста бул турнир на хторим  участвовали екипи

1. Русин

2. Вербас

3. Зомбор

4. Червинка

Екипи ше змагали по принципу два полуфинала и бавенє за треце односно перше место.

На першей утакмици участвовали Червинка - Вербас 16 - 16  (4 - 5 пенали), другу утакмицу бавели Русин - Червинка 19 - 12.

 

Вецей о теми... Коментари
 

Днї рукомета

Автор Иван Рац Собота, 07 Aвґуст 2010 12:15

Зоз нагоди 50 рочнїици рукометного клубу Русин очекую нас днї рукомета, хтори ше отримаю 21. и 22. авґуста 2010. року на теренє стара школа. Будзе отримани турнир и ревиялни утакмици. На соботу 21. авґуста ше орґанизує турнир, а участвовац буду екипи

1. Русин

2. Червинка

3. Вербас

4. Зомбор

Внєдзелю буду отримани утакмици дзе буду бавиц рукометаше русина медзисобно по ґенерацийох, односно подзелєни як бавяче наступали по сезонох.

З тей нагоди поволуєме шицких любительох рукомета же би нащивели тот турнир и уживали у рукометних дньох.

Коментари
   

Борец – Русин 26- 25

Автор Иван Рац Нєдзеля, 13 Юний 2010 20:55

После єдного шлєбодного кола, Русин мал госцованє у Ґрачцу(Филїпове) процив екипи Борец. Позната як тварда екипа на своїм теренє то успела и оправдац на тей утакмици, дзе бавели твардо 60минути. Судийски пар бул зоз Риджици Олуїч и Кнежевич, а делеґат утакмици бул зоз Зомбора Радович.

Русин пошол у нєкомплетним составу пре обовяски даскелїх бавячох. Добре започата утакмица зоз швидким бависком, и зазначел  предносц на початку. Полчасови резултат бул 11 – 16 за Русин.На початку другого полчасу  русинов бавяч достал червени картон пре треце виключенє. Домашнї  успели  преламац резултат, и утакмица ше закончела зоз резултатом 26 – 25. Найлєпши бавяче Русина були Бояанович и Пузович. За Русин бавели Милинкович, Мудри(2), Папуґа(4), Рац, Пузовиг(11), Боянович(6), Хербут(1) Будински(1), Планчак и Пирожек.

Коментари
 

Утакмица Зомбор - Русин

Автор Иван Рац Нєдзеля, 30 Maй 2010 18:51

Зомбор – Русин  34 – 33

У предостатнїм колу першенства Русин мал госцованє у Зомборе. Млада и перспективна екипа зоз Зомбора успишно надбежала  рукометашох Русина и зазначела побинду зоз єдним ґолом розлики. Судийски пар бул зоз Червинки Мирич и Єкович, а делеґат утакмици бул Варґа И.

Змаганє се фино одвивало дзе ше предносц зменьовала раз за єдну екипу раз за другу, полчасови резултат бул 15-13. Таке бависко було наставене и у другей половки, дзе конєчни резултат бул 34 – 33. За Русин бавели  Планчак, Мудри, Дудаш(1), Хафич(8), Гербут(8), Рац(2), Боянович(6), Пузович(8), Надь и Пирожек.

Коментари
   

Вецей тексти...