|
OПШТИНА РУСКИ КЕРЕСТУР
На основу вираженей волї 88 одсто гражданох
Руского Керестура же потримую инициятиву же би нашо место
достало статус општини виробени ЕЛАБОРАТ О УСТАВНО -
ПРАВНИХ, ЕКОНОМСКИХ И СОЦИЯЛНИХ УСЛОВИЙОХ РУСКОГО КЕРЕСТУРА
ЗА ФОРМОВАНЄ ВЛАСНЕЙ ОПШТИНИ
ЦО УКАЗАЛ ЕЛАБОРАТ
о РУСКИ КЕРЕСТУР
свойо право на општину може витвориц у складу зоз Уставом
Републики Сербиї, Законом о локалней самоуправи, Законом о
териториялней орґанизациї, Европску повелю о локалней
самоуправи и Европску повелю о урбанистичним планованю.
о РУСКИ КЕРЕСТУР
ма економски, финансийни и социялни можлївосци образовац
свою општину и свою општинску управу.
о РУСКИ КЕРЕСТУР
може материялно поднєсц функционованє власней општини и то
зоз средствами хтори уж видвоюєме до терашнього буджету
општини Кула и з тима хтори ше врацаю до населєня од
порцийох и доприносох.
о РУСКИ КЕРЕСТУР
по попису 2001. року мал 5.557 жительох и 2.157 ґаздовства.
о РУСКИМ КЕРЕСТУРЕ
2005. року мал 850 занятих и 752. нєзанятих, односно тих
хтори глєдаю роботу.
о У РУСКИМ КЕРЕСТУРЕ
2005. року витворени национални доходок у суми од
298.266.000 динари, а национални доходок по гражданови
56.674 динари.
о У РУСКИМ КЕРЕСТУРЕ
2005. року було найвецей инвестициї до преширеня основних
средствох материялней основи роботи у одношеню на шицки
други места у кулскей општини.
о РУСКОКЕРЕСТУРЦИ
по основи порцийох, таксох, доприносох за финансованє
обовязного социялного осигураня, локалних явних и других
приходох 2005. року видвоєли вкупно 81.553.000 динари
о РУСКИ КЕРЕСТУР
2005. року по основу општинского комуналного доприносу
видвоєл 9.200.000 динари, а през инвестициї му врацени лєм
коло 5.000.000 динари. Кед би Руски Керестур бул општина
могол би розполагац и зоз тима штирома милионами.
о
За функционованє рационално орґанизованей и ефикасней
ОПШТИНИ РУСКИ КЕРЕСТУР яку ми сцеме нєобходне
обезпечиц 56.000.000 динари цо можлїве без нових
видвойованьох. Средства хтори и тераз видвоюєме прейґ
општинских порцийох, доприносох и таксох би у цалосци
оставали у нашим месце, а могли би зме одлучовац и о трошеню
шицких трансферних средствох од хторих найзначнєйши од
порциї на заробок и порциї на додату вредносц.
о
По Нарису буджету задуманей ОПШТИНИ РУСКИ КЕРЕСТУР од
планованих приходох у суми од 56.000.000 динари, коло
38.000.000 би були достаточни за функционованє рационалней
Општинскей управи зоз 15 до 18 занятима особами, док би
18.000.000 динари остало за инвестициї.
ПРЕЦО СЦЕМЕ ОПШТИНУ
о
Прето же сцеме швидши економски и привредни розвой, вецей
роботни места за младих
о Прето же сцеме затримац младих у РУСКИМ КЕРЕСТУРЕ и
застановиц висельованє до Канади и других крайох
о
Прето же сцеме индустрийну зону, лєпши драги, канализацию,
здраву воду, вецей желєни поверхносци...
о
Прето же би ше гражданом оможлївело квалитетнєйши услуги
локалней самоуправи
о
Прето же сцеме розвивац свойо образованє и културу
о
Прето же сцеме зачувац свой национални идентитет
о
Прето же сцеме свою судьбу превжац до своїх рукох, а нє
чекац же би о нєй одлучовали други
Совит Месней заєднїци
Руски Керестур
|
