|
|
|
|
|
Видвоюєме |
 |
|
|
|
|
|
|
|
|
|
|
|
|
Музика |
|
|
|
|
|
|
|
|
|
|
|
|
|
|
|
|
ПАРАДОX
После вецей як рока роботи под назву “Rosa
Salvaje”, ’97. року тот керестурски бенд ше розбива
на два цалком розлични ґрупи-єдна од нїх и “Paradox”.
Рок познєйше наступаме на “Керестурияди” на котрей по перши раз
виводзиме писню “Керестурски штири дзвони” котра нам отворела дзвери
за дальшу роботу.
Такой исти рок доставаме “Студио 1 - Радио
Нового Саду” за знїманє спомнутей писнї, а потим и нашо перше
госцованє у емисиї “Часи младосци”. Тоти два ствари були од
пресудного значеня за дальшу роботу “Paradox”-у.
1999. першираз наступаме акустично и то на
“Дньовки”, цо вплївовало на дальши музични розвой “Paradox”-у.
Гоч “Paradox” од
самого початку пестовал лєм ауторски писнї, причина його
нєафирмованя вироятно лєжи у тим же ше длуги час робело лєм по
английски, а музични напрям нємал сцену у нашей жеми.
Медзитим, таке дацо нас нє зоперало же би зме и далє творели
ауторски писнї и голєм даскельо раз у цеку рока их уживо и
виводзели.
Специфичносц “Paradox”-у
ище и у тим же сотрудзовал зоз велїма людзми зоз музичного швета
Керестура. Гоч нєшка єдини ориґинални член Сашо Палєнкаш, ”Paradox”
ма вельки круг музичарох на котрих може раховац, та ше зоз тим
достава велька рижнородносц так же кажди єден наступ аранжмански
цалком иншаки.
У децениї свойого иснованя “Paradox”
наступел на “Керестуриядох”, ”Дньовкох”, ”Ф.А.М.У.С.”-ох,
”Костелникових єшеньох”, локалних концертох, поетских вечарох …
Твори котри “Paradox”
зазначел у децениї свойого иснованя, шлїдуюци:
- “Керестурски 4 дзвони” – ’98.
сингл (РТВНС)
- “Wicked Apotheosis”
– ’01. албум (нє видаване)
- “Rootenica” – ’04. албум (самовидати)
- “Perception Is Our Dimension” – ’04.
(нє видаване) у остатнїм числу “Меtal
Hammer”-а є оценєни як “демо мешаца”
- “Тебе” – ’05. сингл
- “Каменє моцне” – ’05. сингл
- “Нєбо” – ’07. сингл
Шицки новши писнї мож послухац на радио габох
“Радио Кули”, ”Радио-Нови Сад”, а тиж так и на ище даскелїх локалних
радио станїцох по Бачкей.
Од люудзох котри сотрудзовали, сотрудзую и
помагаю живот “Paradox”-у требало би спомнуц
шлїдуюцих:
Люпка Рац (вокал), Люпка Фечо (вокал), Таня
Бодянец-Колбас (вокал), Мая Зазуляк (прим-тамбурка), Цап Владислав
(ґитара), Срдян Козомора (буґни), Яни Шомодї (бас ґитара), Мирко
Горняк-Коле (ґитара), Славо Палєнкаш (бас ґитара, ґитара, дуркаци
инструменти), Владан Гарди (буґни), Михал Колошняї (прим-тамбурка),
Владо Фейди (виола), Мирослав Фейди (кларинет, бас-фрула), Ярослав
Кулеба (пищалка), Деян Русковски (буґни), Златко Русковски (бас
ґитара), Владо Бучко-Лаци (буґни), Владо Надь (ґитара), Сергей Жирош
(тромба), Кристиян Венчельовски (дуркаци инструменти), Јулиян
Рамач-Чамо (гармоника), Владо Варґа (вокал), Альоша Гайдук (вокал),
Иван Еделински (ґитара, бас ґитара), Славко Орос (кларинет). |
|
|
