|
РЕАЛИЗАЦИЯ ПЛАНУ МЕСНОГО
САМОДОПРИНОСА ЗА ПЕРИОД 2001 - 2006.
Плановани прилїв средствох месного самодоприносу за пери од
1. януара 2002. по 31. децембер 2006. рок у виносу од 30
милиони динари, витворени у виносу од 42.267.000 динари.
Дзекуюци средством з месного самодоприносу, зоз других
жридлох у тим периодзе обезпечени ище 25.219.906 динари, цо
оможлївело же би ше поробело вельо вецей як плановане. Од
Републичней дирекциї за драги по системи динар на динар
достати 9.131.000 динари, зоз буджету АП Войводини 8.000.000
за спортско-школску галу, 3.000.000 за ришованє проблемох
води за пице и 500.000 динари за защиту животного штредку
(купена кошачка), двоязичну таблу и поставяне веб-сайту
керестурскей Месней заєднїци, 3.800.000 динари зоз
општинского буджету за спортску галу, а зоз ПК "Перши май"
здружени средства за вибудов драги у воносу од 750.000
динари.
ВИБУДОВ И АСВАЛТОВАНЄ ДРАГОХ
Место
дотирвалого, преляти нови асвалт на драгох у улїцох Лоле
Рибара, Владимира Назора, з часци Ленїновей и Беґельскей, а
вибудована и драга у улїци Ороса Ґабра. Зоз месного
самодоприносу за тоти инвестициї видвоєни 3.500.000, а зоз
Дирекциї за драги 5.131.000 динари. Асвалтована и драга ґу
Косанчичу у чиєй вибудови попри месного самодоприносу тиж
участвовала и Дирекция за драги зоз 4.000.000 динари. У
истим периодзе закончена и драга до Водици за хтору зоз
самодоприносу видвоєни 1.000.000 динари.
КУПЕНИ НОВИ ТРАКТОР ЗА ВИНОШЕНЄ ШМЕЦА
Дзекуюци
месному самодоприносу служба Месней заєднїци уж роками
орґанизує безплатне виношенє шмеца спред шицких обисцох. Од
кеди купени нови трактор тоти роботи ше окончує лєгчейше и
точнєйше.
Коло 2,5
милиони динари зоз самодоприносу видвоєни за отримованє
шмециска. Воно тераз оградзене, а шмеце ше поряднє загребує
зоз ултом же би нє шмердзел цали валал.
ВИБУДОВ СПОРТСКО - ШКОЛСКЕЙ ГАЛИ
 Роботи
на вибудови спортско - школскей гали започали 2004. року и
ище дакус хиби же би дошла по закрице. То и найвекша
инвестиция хтора ше, дзекуюци помоци, насампредз,
покраїнским орґаном, витворює швидше од плану. За вибудов
гали по тераз уложени коло 26.800.000 динари, а преценєна
вредносц цалей инвестициї коло 97 милиони.
УШОРЕНШИ ЦЕНТЕР ВАЛАЛА
 Руски
Керестур ма єден од найкрасших паркох у центру валала хтори
ушорени по найвисших стандардох отримованя и ушорйованя
паркох. Зоз фахову помоцу ушорени шицки хортикултури, траву
ше поряднє коши, а влєце залїва зоз сучасну систему за
залїванє. Покладзени нови лавочки и кошарки за шмеце,
заменєне ошвиценє. Парк постал єдно од найприємнєйших местох
за пребуванє и одпочивок нє лєм младих, алє и старших
Керестурцох.
ОТРИМОВАНЄ ЖЕЛЄНИХ ПОВЕРХНОСЦОХ
За
отримованє желєних поверхносцох у валалє у Месней заєднїци
набавена сучасна опрема. Купена моторна кошачка за кошенє
трави на векших поверхносцох, 2 машини за кошенє, 2 тримери
и моторна пила.
ДЗЕЦИНСКИ ПАРК
 На
радосц наймладших ушорени и дзецински парк. Пооправяни
колїмбачки, спущовалка, гомбачка... Лєм кед би було ище вецей
бависка, дзецинска радосц би була ище векша.
УШОРЕНЄ БАЗЕНА ЗОЗ ОКОЛЇСКОМ
 За
ушоренє базена зоз околїском у цекуцим месним самодоприносу
видвоєни вецей як милион динари же би ше витворело цо лєпши
условия нє лєм за купанє, алє и орґанизованє вилєтох.Тиж так
то вигодне место за кампованє младих под час Рок фешти и за
розвагу Керестурцох. Базен и його околїско постава вше
приємнєйше вилєтнїцке место и за дзеци, и за младих, и за
старших.
ИНВЕСТИЦИЙНИ ОТРИМОВАНЯ У ОБРАЗОВАНЮ, КУЛТИРИ И СПОРТУ
За
образованє и културу зоз самодоприносу у предходних пейцох
рокох видвоєни по 1.403.500 динари, а за спорт 1.359.532
динари.
ДРУГИ ИНВЕСТИЦИЇ
При
каплїчки направени паркинґ за авта и за бициґли, и положена
клима. Вибудована драга ґу шмециску и мурик.
Положене
ошвиценє на базену.
Направени терен за кошарку на блоку 3 и на пиячним просторе.
Обезпечени проєкт реконструкциї водоводней мрежи, и средства
за проєкт за ґазификованє Руского Керестура хторе будзе
окончене 2007. року. |
